تعاطف وطني واسع مع المستشفيات اللبنانية ضد قرار الكويت
أثار قرار الكويت إدراج 8 مستشفيات لبنانيّة على قائمتها للإرهاب، استهجانًا لدى الدّولة اللبنانيّة والشّعب اللبناني.
وزارة الصّحّة اللبنانيّة أصدرت بيانًا استغربت فيه القرار واعتبرته سابقة، علمًا أنّ "المستشفيات المستهدفة مسجّلة في نقابة المستشفيات الخاصّة في لبنان، وتقوم بدورها في تقديم العلاجات والخدمات الصّحّية لكلّ اللّبنانيين من دون استثناء، وهي جزء أساسيّ من النّظام الصّحّي اللبنانيّ الّذي يكابد باللحم الحيّ ليحقّق الاستمرارية".
وكان لافتًا حجم التّعاطف الوطنيّ مع هذه المستشفيات من جمهور متنوع مناطقيًّا وطائفيًّا؛ ففي البقاع تفاعل المجتمع المسيحي بتعاطف واسع مع مستشفى دار الأمل، لما يقدّمه من خدمات للمواطنين كافّة. ومن الشّواهد على ذلك، منشور انتشر على "فيسبوك" للمواطن جوزيف جعجع إذ كتب: "قال الكويت أدرجت مستشفى دار الأمل الجامعي على لائحة الإرهاب، بتعرفوا أنّه نحنا ببعلبك الهرمل ما عنّا غير هالمستشفى؟ بتعرفوا إنّه بس ننزل عليها بيستقبلونا أحلى استقبال، فيها أحلى شباب وصبايا، مع العلم إنّه نحنا وهنّي ضد بعض بالسّياسة، بس بالبقاع وقت بتوقع المصيبة منصير كلّنا أهل وفرد روح، ما بعرف على أيْش استندتو بهالأخبار، بس يلّي بعرفوا إنّه ظلم بشع، وصاحب هالمستشفى من أرقى الرّجال، مشاكلكن سياسية حلّوها بعيد عن صحّتنا، عيب عليكن، هالمستشفى بيستقبل كلّ أهل دير الأحمر وجوارها وبعلبك والقاع والهرمل، استحو بقى".
وعلّق النّاشطون:
بول برّو: "أنا من زحلة وكتار بيشكرو فيها للمستشفى من أهل زحلة وفي حالات هرَّبوهُن مستشفيات زحلة وتْرَحَّب فيهن ببعلبك".
كلوديت كلّاس: "أنا لإن من رياق، منروح أحلى معاملة وأحلى استقبال وأشطر أطباء إن كان بالعمليّات أو طبابة، يسكتوا بقى".
نقولا جعجع: "أحلى مستشفى وأحلى عالم ونحن مع رَبِعْنا (مستشفى دار الامل) ضد هالقرار".
جوزاف حرب: "ومستشفى السّان جورج بالحدت نفس الشي".
إيلي كيروز: "المضحك إنّه صار العديد من الدول القيّمين عليها مفكرين إنّه إلهن الحق يصدرو القوانين الدّولية ويصنّفوا مين الإرهابي، مع إنّه هنّي أبو الإرهاب، نحنا من أول ما تأسس هذا الصّرح الاستشفائي هوّي الأهم في المنطقة".
ميراي برّاك: "كلّنا مع هالمستشفى يلّي بتحترم المريض، حتّى أطفالنا بيدخلو عم يبكو وبس يفلّو كمان بيبكو لأن بدّن يضلّو مع الصّبابا يلّي كل فترة مرضن عم يأمنولن جوّ مريح وضحكة من القلب".
طوني أبو رفّول: "هيدا مستشفى لكلّ النّاس..لكل أهل البقاع".
شربل معلوف: "لأن بالخطة بدن يشرخو الناس بين بعضها بحجة الطوائف، وبيدرجوا مين ما بدن على لائحة الإرهاب".
وعلّق الدكتور حسام مطر على صفحته على هذا التّفاعل بالقول: "لمّا النّاس بيتشاركوا بحياتهم اليوميّة وبتولد بيناتهم مصالح مشتركة وبيتفاعلوا اجتماعيًّا، بيقدروا يعيشوا سوا متنوعين ومتنافسين بطريقة عقلانيّة وإنسانية".
موضوعات
